Guraso Bilera

Gaur, kirikiñoko monitoreek zeuon gurasoekin bilera bat ospatu dugu.
Bertan, gure nondik-norakoak azaltzeaz gain, zuek guztiak espero zenuten gaia jorratu dugu:
Iñauteriak.

Bai lagunok, Iñauteriak urrun dabiltza oraindik; baino Tolosar peto-petoentzako (eta bereziki Kirikiñoko partaideentzako) bada garaia makinak berotzen hasteko. Eta aurten inoiz baino gehiago, munduari bira emango dion bidaia egiteko asmoa dugu eta!

Bai! Aurten, Willy Fog en "80 egunetan Munduari Bira"-k 25 urte betetzen ditu...gu geuk bezala!
Hortaz, Iñauterietan Willy Fog eta bere lagunetaz mozorrotzea egokia iruditu zitzaigun.
Gainera Sendotzen, guraso eta begiraleek; pasa diren 25 urte hauetan erabili ditugun mozorroak jantziko ditugu... Gogotsu, ezta?

Ez larritu! Iñauteriak baino lehenago, ekintza asko ditugu. Hain zuzen ere, hurrengo ekintza hurbil izango dugu. Igande honetan, gehienak Finalista Egunera joko dugu. Eta hurrengo astean 25 urteurrena dela eta ekintza berezi bat prestatu dugu.
Erne egon eta bisitatu gure blog-a.

Aurki informazio gehiago.
Ondo pasa!!

ZORIONAK!!!

Lehengo larunbatean, Kirikiño eta Txantxangorri aisialdi taldeen 25 urteurrenari hasiera eman genion.

Hemendik aurrera, lehiaketa, erakusketa, ekintza eta sorpresaz beteriko urte bat izango dugu.

Ekintza horietako batzuk, Kirikiñoren ordutegiaren barruan egingo ditugu. Beste batzuk ordea, orduz kanpo izango dira, eta zuen kabuz parte hartu ahal izango duzue. Ekintza horien eta beste askoren berri, blog honetan bertan argitaratuko dugu, beraz argi ibili eta sarritan bisita ezazue.

Gogoratu, ekintza berri guzti hauek, aurten eta 25 urteurrena dela eta gauzatuko ditugu, hortaz animatu eta parte hartu ezazue!!